เนื้อเพลง เขามาเหนือ (อ้ายเหลือหยัง) โดย บอย พนมไพร

ถืกต้องแล้วหล่า แม่นความเจ้าว่าละน้อง
อยู่นำอ้ายทุกข์ยากปากหมอง พาน้องลำบากคักหลาย
ห้องเช่าน้อยๆ เท่ารังหนูมันบ่หรูหรา
อยู่ไปคงบ่เข้าท่า น้องหล่าจึงขอแยกทาง

เจ้าตัดสินใจลาอ้ายผู้บ่าวมอซอ
ถิ่มความฝันที่ร่วมกันก่อ ไปควงคนรวยมีตังค์
นั่งรถคันโก้ ถ่ายรูปโชว์ในทุกช่องทาง
เลื่อนไปพ้อติ๊กต๊อกนาง คือจังมีความสุขหลาย

กะเขามาเหนือ แล้วอ้ายสิเหลืออีหยัง
รถกะฮ้างๆ สิให้เอาหยังไปแข่งเขาได้
เวฟ 100 เก่าๆ บิดจำปอกแขน แล่นได้เก้าสิบปลาย
สิสู้เขาคนนั้นจั่งได๋ ฟอร์จูนเนอร์คนใหญ่เหนือกว่าอ้ายคัก

ถืกต้องคักแหน่ แม่นความเจ้าว่าอีหลี
ฝืนคบต่อกับอ้ายคนนี้ คงได้กินแต่ลวกผัก
ให้เจ้าสุขขีจากใจอ้ายคนที่อกหัก
ตั้งใจฮักเขาคักๆ ถ้าเห็นคอมเมนต์อ้ายกดใจให้แหน่เด้อ

กะเขามาเหนือ แล้วอ้ายสิเหลืออีหยัง
รถกะฮ้างๆ สิให้เอาหยังไปแข่งเขาได้
เวฟ 100 เก่าๆ บิดจำปอกแขน แล่นได้เก้าสิบปลาย
สิสู้เขาคนนั้นจั่งได๋ ฟอร์จูนเนอร์คนใหญ่เหนือกว่าอ้ายคัก

ถืกต้องคักแหน่ แม่นความเจ้าว่าอีหลี
ฝืนคบต่อกับอ้ายคนนี้ คงได้กินแต่ลวกผัก
ให้เจ้าสุขขีจากใจอ้ายคนที่อกหัก
ตั้งใจฮักเขาคักๆ ถ้าเห็นคอมเมนต์อ้ายกดใจให้แหน่เด้อ

ตั้งใจฮักเขาคักๆ ถ้าเห็นคอมเมนต์อ้ายกดใจให้แหน่เด้อ